Ridgway Blake Lawyers i comitim hem

Ridgway Blake Lawyers i comitim hem from 2010 Pepsi ICC EAP Under 17 Cricket Trophy

Ridgway Blake Lawyers ikohed iet blong sponsorem cricket ensaed long Vanuatu long yia ia 2010 taem we hemi handem ova wan jek blong 150,000 vatu blong sponsorem 2010 Pepsi International Cricket Council (ICC) East Asia-Pacific (EAP) Under 17 Cricket Trophy.

Eli long yia ia iet, Ridgway Blake Lawyers ibin sapotem tu South Efate Primary School Sports Association (SEPSSA) mo North Efate Primary School Sports Association (NEPSSA) Gems.  Hemi soem bakegen se hemi comitim hem long internasonal cricket tournament ia we Port Vila bae i hostem long yia ia.

Long presentesen blong jek long Vanuatu Cricket Ofis long Independence Park long Wednesdei namba 18 August, yu save lukim long fes blong Ridgway Blake partners Nigel Morrison mo Garry Blake se tufala i glad bigwan blong save sapotem international cricket tournament ia.  Jeneral Maneja blong Vanuatu Cricket istap tu long taem mo werem wan Ridgway Blake singlet blong promotem gudfala relationship we Vanuatu Cricket ikat wetem Ridgway Blake Lawyers.

Jeneral Maneja blong Vanuatu Cricket Pierre Chilia i talem se Ridgway Blake Lawyers oli oltaem sapotem Vanuatu Cricket.  Oli stap providem gudfala sapot istap ko long ol grass roots blong developem gem ia mo bakegen oli save sapotem International Under 17 tournament ia we Vanuatu bae i hostem wetem 150,000 vatu.

Vanuatu Cricket i proud bong save hostem tournament ia we bae i save kamap wetem best Under 17 tim long East Asia-Pacific Region..  Vanuatu Cricket i stap luk forward blong welkamem ol tim blong Fiji, Indonesia mo PNG long fes wik blong manis September yia ia mo istap encouragem yumi long Port Vila mo ol vilij raon Efate blong kam long Independence Park mo Kazaa Field (Korman Roundabout) stat long 7 kasem 11 September blong sapotem Nasonal Under 17 cricket tim.


Photo Top - Left: Garry Blake, Pierre Chilia & Nigel Morrison